Сацыяльна-псіхолага-педагагічнае суправаджэнне

Сацыяльна-псіхолага-педагагічнае суправаджэнне ўключае:

• дыягностыку пазнавальнай і эмацыйна-асобаснай сферы асобы, педагагічныя назірання;
• стварэнне спрыяльных сацыяльна-педагагічных умоў для развіцця асобы, паспяховасці навучання;
• індывідуальная псіхолага-педагагічная дапамога дзіцяці.

Адной з найважнейшых задач установы адукацыі з'яўляецца стварэнне ўмоў, якія забяспечваюць псіхалагічную бяспеку, накіраваную на абарону выхаванцаў ад негатыўных уздзеянняў і прагназаванне магчымых пагроз з мэтай папярэджання парушэнняў у станаўленні іх асобы.

Педагогі дашкольнай адукацыі павінны звяртаць увагу на наяўнасць псіхалагічных праблем у развіцці асобы выхаванца, актыўна выкарыстоўваць у адукацыйным працэсе псіхалагічныя веды, накіраваныя на вырашэнне канфліктных сітуацый, стварэнне спрыяльнага псіхалагічнага клімату ў дзіцячых калектывах.

Педагогам псіхолагам устаноў адукацыі рэалізуецца комплекс мерапрыемстваў, накіраваных на псіхалагічнае вывучэнне выхаванцаў і іх сем'яў для забеспячэння індывідуальнага падыходу да іх на працягу ўсяго перыяду навучання, іх паўнавартаснае развіццё, садзейнічанне ў папярэджанні, вырашэнні псіхалагічных праблем у выхаванцаў, павышэнне псіхалагічнай культуры ўдзельнікаў адукацыйнага працэсу.

Педагогі дашкольнай адукацыі забяспечваюць выкананне загаду Міністра адукацыі Рэспублікі Беларусь ад 15 лютага 2018 г. № 119а «Аб мерах, накіраваных на прафілактыку здзяйснення злачынстваў ва ўстановах адукацыі ў дачыненні да навучэнцаў» і алгарытму інфармавання педагагічнымі работнікамі бацькоў, апекуноў, папячыцеляў навучэнцаў і (або) супрацоўнікаў унутраных спраў аб наяўнасці прыкмет гвалту ў дачыненні да непаўналетніх, асноўнай мэтай якога з'яўляецца своечасовая дапамога ў рэабілітацыі непаўналетніх, якія падвергліся гвалту.

Па даручэнні Міністэрства адукацыі створана Рэспубліканская сетка крызісных псіхолагаў, закліканых своечасова і прафесійна рэагаваць на крызісныя падзеі на месцах.

Праца РЦПД арыентавана на спецыялістаў сацыяльна-педагагічнай і псіхалагічнай службы ўстаноў адукацыі, педагогаў, навучэнцаў і іх бацькоў, якія апынуліся ў крызісных і цяжкіх жыццёвых сітуацыях.

У Цэнтры працуе сучасны шматстаронкавы інтэрнэт-­сайт (https://rcpp.by). Сайт змяшчае інфармацыю аб цэнтры, кантакты спецыялістаў, навіны і анонсы праводзімых мерапрыемстваў, а таксама асобныя блокі актуальнай і даступна выкладзенай інфармацыі, карыснай для законных прадстаўнікоў выхаванцаў і педагагічных работнікаў.

На сайце створаны чат, які дае магчымасць ананімнага звароту па дапамогу ці падтрымку ў крытычнай сітуацыі кожнаму дзіцяці, яго законным прадстаўнікам і педагагічным работнікам па ўсёй тэрыторыі Рэспублікі Беларусь. Для зручнасці карыстальнікаў створана мабільная версія сайта.

Па запыце ўстаноў адукацыі педагогі-псіхолагі Цэнтра праводзяць прафілактычную работу з выхаванцамі, іх законнымі прадстаўнікамі, педагагічнымі работнікамі ўстаноў адукацыі.

Для аказання экстранай псіхалагічнай дапамогі існуе кругласутачны шматканальны «тэлефон даверу» ў Мінску – +375(17)352-44-44, па гэтым нумары Вам адкажа спецыяліст, які выслухае вашу праблему і дасць рэкамендацыі, як паступіць далей.

СЛУЖБЫ ЭКСТРАННАЙ ПСІХАЛАГІЧНАЙ ДАПАМОГІ І «ТЭЛЕФОНЫ ДАВЕРУ»